Din it-tpinġija turina li xi kultant mhux kull ma jleqq hu deheb. L-id tidher dieħla fil-likwidu bil-ħsieb li huwa ilma pur, imma mbagħad tiskopri li ma kien ilma xejn. Fil-fatt kien aċtu li mill-ewwel selaħ l-id sal-għadam.

Għalija l-istampa hija waħda metaforika u tfakkarni f’nies li tkun fdajt imma wara li jagħmlulek xi azzjoni ħażina tinduna li l-karattru tagħhom huwa fil-fatt velenuż. Sfortunatament dan il-ħażen qiegħed dejjem jiżdied u għalhekk trid toqgħod b’seba’ mitt għajn qabel ma tafda. Bħal fl-istampa, l-id qed tħoss l-uġigħ, iżda baqgħet kalma biex taħbi d-dulur.

Jien nemmen li fil-ħajja trid taħbi dan l-uġigħ u twarrab lil dawn in-nies għax ħbieb vera jeżistu u l-ħaxix ħażin għandna naħarquh.